Miramar Cruceros, única axencia de Galicia especializada na venda de cruceiros turísticos, premiará ao longo da presente temporada aos deportivistas máis fieis con dous cruceiros dobres.
A axencia especializada, con máis de 10 anos de experiencia e situada no Porto da Coruña, sorteará un cruceiro para dúas persoas entre as persoas abonadas que asistan a todos os encontros da primeira volta en ABANCA-RIAZOR a partir do que se xogará mañá sábado ante o UE Cornellà. Ao final de temporada, sorteará outro cruceiro dobre entre quen asista ao cento por cento de partidos da segunda volta.
Miramar Cruceros súmase deste xeito á ampla lista de colaboradores e patrocinadores do RC Deportivo, cunha primeira acción de esponsorización á que seguirán outras en próximas datas.
