Antía Veiga Caramés (Ames, 9 de maio de 2009) participará nuns adestramentos coa selección española sub-17 que terán lugar na Ciudad del Fútbol de Las Rozas (Madrid) do luns 9 ao mércores 11 de febreiro.
Estas sesións servirán para preparar a Rolda 2 da clasificación para o Campionato de Europa que se xogará o próximo mes de marzo.
A gardameta do Dépor ABANCA B regresa así após a anterior citación do pasado mes de xaneiro.
O pasado mes de novembro, Antía Veiga foi titular con este combinado nacional no tres partidos da Rolda 1 do Campionato de Europa da categoría en Portugal; con Bulgaria, Hungría e Portugal como rivais.
En outubro, a canteirá formou parte da selección española no Mundial de Marrocos, no que España caeu nos oitavos de final derrotada por Francia na quenda de penaltis.
Con contrato en vigor até 2028, Antía Veiga leva até a data 9 partidos disputados de titular co Dépor ABANCA B en Segunda Federación.
