Coa derrota, Atlético de Madrid quedou ao bordo de pasar á segunda división, ao acumular só 32 puntos.
No encontro xogado no estadio Riazor, o conxunto galego sentenciou ao Atlético na primeira parte anotando tres goles en 20 minutos, Na segunda parte o "Super Depor" debeu aguantar a presión dos visitantes, que saíron ao campo de xogo dispostos a recuperarse.
A vitoria galega comezou ao minuto 19, con anotación do arxentino Óscar José "Turú" Flores, quen tras un saque de falta do brasileiro Donato, rematou para abrir o marcador.
No primeiro tempo a figura do encontro, o holandés Roy Makaay, anotou en dúas oportunidades, establecendo o 3-0 parcial nos minutos 41 e 43, con goles a pase de Víctor Sánchez nos que tiveron moito que ver os fallos defensivos do Atlético.
Xa na segunda metade, o conxunto branquivermello tentou acurtar distancias, grazas a un gol do holandés Jimmy Floyd Hasselbaink no minuto 52, quen cun potente disparo a pase de Juan Carlos Valerón desde a banda esquerda, deixou sen posibilidades ao porteiro rival.
No 85, de novo Makaay, de gran desempeño, deixou claro quen manda na liga marcando o cuarto tanto do seu equipo, nun contragolpe no que gañou en velocidade á defensa rival e burlou ao gardameta branquivermello José Francisco Molina, estrelando o balón na rede.
