O alcalde da Coruña recibe a unha representación do consello de administración
Foto: Concello da Coruña O alcalde da Coruña, Carlos Negreira, recibió esta mañana a unha representación do consello de administración do Deportivo encabezado polo seu presidente, Tino Fernández. Xunto
Tras unha hora de reunión, o presidente deportivista recoñeceu que é unha "honra ser recibidos na casa de todos os coruñeses" pondo ao Deportivo "ao servizo da cidade, como gran axente activo económico e social que é". Pola súa banda Carlos Negreira mostrou a súa "satisfacción por recibir a esta xunta directiva elixida masivamente polo deportivismo, tras unha substitución tranquila que xerou un gran entusiasmo".
Despois de desexar que se logren os obxectivos do ascenso a Primeira División e a resolución dos temas económicos, o alcalde comentou os temas tratados no encontro.
O primeiro, a rehabilitación das cubertas do estadio municipal de Riazor nunha obra que se iniciará no último trimestre do ano e para a que hai un investimento previsto duns 3,2 millóns de euros.
O segundo dos aspectos abordados foi a revitalización do decano dos torneos estivais, o Trofeo Teresa Herrera, que recuperará o seu formato cuadrangular e as datas centrais das festas de María Pita, no terceiro fin de semana de agosto.
Por último destacouse que promoverán encontros bimensuais entre ambas as institucións para manter a actitude aberta e de diálogo que mostran ambas as institucións.
