O Alevín B mídese mañá martes 23 de maio en Abegondo (19:30 horas) ao Sporting Coruñés B, en partido pertencente á xornada 17 do grupo 1º da Segunda Fase, disputada a pasada fin de semana, e que o Alevín B non puido xogar debido á súa participación no Trofeo 'Ourense a provincia termal'.
O choque é intranscendente cara á clasificación final posto que o conxunto deportivista é xa campión de grupo. Con dous partidos por xogar o Alevín B suma 46 puntos por 41 puntos do seu inmediato perseguidor, o Calasanz C, ao que só lle resta un encontro.
