O árbitro delgado Ferreiro cárgase o partido en Mestalla cunha expulsión de Juanma
Cúmulo de adversidades do Deportivo en Valencia. Para empezar, Dani Bea, o dianteiro xuvenil convocado por Joaquín Caparrós, quedou fóra da convocatoria por unha inoportuna gastroenterite. Ao nove minutos de encontro, un erro en defensa propiciou o primei
O colexiado vasco equivocouse gravemente na xogada clave do noventa minutos, ese tipo de lances
que decantan definitivamente o choque dun lado ou doutro. Penalti
inxusto de Juanma a Vila que ademais supuxo a expulsión do central andaluz por dobre
cartón amarelo. Gol de Vila, 2-0, e o partido acabouse.
Tras o descanso, Joaquín Caparrós tratou de apropiarse do balón coa entrada
de Verdú por Riki. Pero xogar con dez homes, en Valencia e ante un rival
necesitado do triunfo foi demasiado. Vila anotou o 3-0 tras unha xogada
individual e o equipo sufriu ademais a lesión de Lopo, que non puido concluír o
partido. Arbeloa pasou ao centro da defensa e Manuel Pablo ocupou o lateral
dereito.
O inexplicable desconto que aplicou ao encontro o pésimo colexiado vasco
serviu unicamente para que a Valencia selase a goleada cun cuarto tanto
obra de Vicente.
O Deportivo formou de inicio con: Aouate, Arbeloa, Juanma, Lopo, Capdevila,
Sergio, Coloccini, Arizmendi, Filipe, Juan Rodríguez e Riki. Tras o descanso,
Verdú substituíu a Riki (minuto 51), Manuel Pablo a Lopo (minuto 58) e Adrián a Arizmendi
(minuto 67).
