RCDeportivo RCDeportivo RCDeportivo
Skip to main content
FUNDACIÓN

Marín repite DéporCampus Cabreiroá entre unha gran acollida

A vila de Marín repite DéporCampus Cabreiroá por segundo ano en colaboracion coa EF Vila de Marín e o concello da localidade pontevedresa.

O acto de presentación celebrouse no Estadio Municipal de San Pedro. 

Asistiron Paqui García, Presidente do EF Vila de Marín; Pato Fernández, Coordinador do EF Vila de Marín; Óscar Maceiras, Coordinador da actividade; Antonio Caíña, Concelleiro de Deportes; e Sergio Maurente, coordinador de programa local da Fundación RC Deportivo, 

A actividade desenvolverase entre os días 7 e 11 de xullo cunha gran acollida, posto que o ano pasado, por exemplo, esgotáronse as prazas.

O prazo de inscrición para esta sede en deporcampus.rcdeportivo.es está aberto até o 1 de xullo ás 14:00.

Marín é un dos 19 emprazamentos distribuídos ao longo das 4 provincias galegas que acollen a principal actividade social do RC Deportivo que chega a través da Fundación.

Tamén está aberto o prazo de inscrición en deporcampus.rcdeportivo.es para o resto de sedes dos DéporCampus Cabreiroa 2025 excepto para Bertamiráns, o Colexio Santa María del Mar e Abegondo, xa esgotados; e para Terras de Maside, Sarria e Lugo coa inscrición xa pechada.

Arrinca a primeira quenda na sede de Abegondo; ademais de Terras de Maside, Sarria e Lugo

O vindeiro luns 23 de xuño e até o venres 27 desenvolverase a primeira quenda da sede de Abegondo, ademais de Terras de Maside, Sarria e Lugo.

Este ano 2025 desenvolverase para participantes desde os 6 aos 14 anos (é dicir os nados de 2011 a 2019 incluídos), independentemente do nivel de práctica ou experiencia futbolística.

Abegondo, Bertamiráns, Boiro, Caranza, Cee, Cuntis, Monforte, Ourense, Santa Comba, Sarria, Silleda, Terras de Maside, Vila de Marín e Zas; ás que este ano 2025 súmanse Lugo, Cedeira, Vilalba, Sada e o colexio Santa María del Mar son as localizacións da actividade en diferentes semanas do tres meses de verán.

Poden acollerse a descontos as nenas e nenos que participasen en edicións anteriores dos DéporCampus Cabreiroá e da Escola RC Deportivo; os socios ou accionistas do RC Deportivo; xogadores do Club; familias numerosas ou con máis dun membro en paro; familias que inscriban a máis dun fillo; e fillos e fillas de empregados de empresas colaboradoras de cada sede.

Os DéporCampus Cabreiroá empregan o método Dépor, impartido por adestradores do Club; e baseado no respecto polo rival, o xogo limpo e o esforzo.

Toda a información sobre cada sede, quenda, horarios e demais preguntas frecuentes atópase en deporcampus.rcdeportivo.es, onde se pode realizar todo o proceso de inscrición e contacto.

Así mesmo, os interesados en quendas que estean esgotados poden anotarse nunha lista de espera. Para iso deben mandar un correo a deporcampus@rcdeportivo.es cos seguintes datos: Nome e apelidos do participante, teléfono, correo electrónico e quenda/s semanal/ais nos que está interesado.