O primeiro cadro do Deportivo completou esta mañá no ximnasio de Abegondo o test físicos regulamentarios antes do inicio dos adestramentos.
Coa supervisión dos Servizos Médicos e fisioterapeutas do Club, os futbolistas, divididos en tres grupos, foron pasando de forma individual ao longo de toda a mañá.
Onte en rolda de prensa en ABANCA-RIAZOR, o doutor Carlos Lariño, responsable médico do Club, subliñou que as probas desta mañá consisten "nun test de salto e ver a condición física de cada un".
Os futbolistas que completaron onte e hoxe os exames médicos e físicos foron os seguintes: Álex Bergantiños, Valín, Borja Galán, Claudio Beauvue, Pablo Brea, Gandoy, Fede Cartabia, Borja Granero, Salva Ruiz, Villares, Juan Rodríguez, Ian Mackay, Rafa de Vicente, Adrián Lapeña, Diego Aguirre, Menudo, Pablo Trigueros, Calavera, William de Camargo, Iván Guerrero e Alberto Quiles. Diego Rolan, Keko Gontán, Héctor Hernández, Uche, Adri Castro e Alberto non estiveron presentes, con permiso do Club, así como Celso Borges, concentrado coa selección de Costa Rica.
O luns 12 comeza realmente a pretemporada para Os Nosos. Os futbolistas terán almorzo na Cidade Deportiva ás 09:00 e unha hora despois, ás 10:00 h., haberá un circuíto físico preventivo. Ás 10:30, os xogadores saltarán ao céspede por primeira vez.
