O Club Carrefour e o RC Deportivo asinaron un acordo de colaboración para o que queda da actual temporada 2024-2025, en virtude do cal ambas as entidades colaborarán na promoción do deporte, con especial fincapé no equipo feminino.
Así, os socios do maior programa de fidelización da distribución en España poderán gozar de invitacións para os partidos do RC Deportivo, interrelación cos integrantes do primeiro equipo masculino e feminino, con asistencia a adestramentos, agasallos de equipamentos e material deportivo, merchandising, así como outras accións de participación e experiencias deportivas, tanto fóra como dentro do campo.
Este acordo, asinado en principio para a presente temporada, poderase ampliar coa intención de mellorar as accións e a colaboración entre ambas as entidades.
No descanso do partido do Dépor ABANCA contra o Atlético de Madrid o Club Carrefour xa protagonizou unha acción a pé de campo con dous nenos como participantes nunha proba de habilidade.
