O Deportivo ABANCA B superou por 4-1 ao Atlético de Madrid C na 3ª xornada do grupo 1º de Segunda Federación.
Foi titular Antía Veiga, que este luns se incorpora a uns adestramentos coa selección española sub-17.
Tamén actuaron de inicio as xogadoras que está en dinámica do primeiro equipo, caso de Carmen ou Michi Apóstol.
Abriu o marcador precisamente Carmen aos 20 minutos. Após o empate colchoneiro, Laura Otero e Michi Apóstol aumentaron a renda antes do descanso.
Após o paso polos vestiarios, Laura Ruiz certificou o triunfo co seu gol no minuto 55.
Con este resultado, o equipo de Sandro Nogueira suma 7 puntos, situado na zona alta da táboa con 2 vitorias e 1 empate.
Deportivo ABANCA B: Antía Veiga, Barreda, Michi Apóstol, Carmen, Sara Cercido, Laura Otero, Marta Rico (Cotelo, min. 65), Sonsoles (Yanis Citoula, min. 81), Laura Ruiz (Valbuena, min. 65), Jenny Corros e Emma (Paula Martínez, min. 75)
O vindeiro domingo 27 de setembro ás 16:15 o Dépor ABANCA B visita ao Real Avilés Industrial no campo 2 de La Toba.
Os resultados até a data do Dépor ABANCA B foron os seguintes:
Deportivo ABANCA B 2 (Sara Cercido -2-) - Madrid CFF B 1
Bizkerre Club 0 - Deportivo ABANCA B 0
Deportivo ABANCA B 4 (Carmen, Laura Otero, Michi Apóstol e Laura Ruiz) - Atlético de Madrid C 1
