O Deportivo preparou esta tarde no campo 2 da Cidade Deportiva as súas armas de cara ao choque deste sábado 12 de maio ás 18:30 horas no Estadio ABANCA-RIAZOR (Bein LaLiga) fronte a un Villarreal CF que se xoga unha praza na Europa League.
Para iso, Clarence Seedorf dispuxo dun partido once para once, no que participou tamén o central xuvenil Mujaid. A tarde arrancou no céspede cun quecemento e uns rondos.
Mañá venres, o equipo está citado ás 18:00 horas no Estadio ABANCA-RIAZOR para un adestramento a porta pechada. Ao finalizar, os convocados concentraranse no Hotel Meliá María Pita, á espera do partido.
