O Deportivo regresa este domingo 30 de xullo ás 19:30 horas -20:30 en España- ao Dragão, o estadio do FC Porto que o club branquiazul visitou por primeira e única vez hai 13 anos, con motivo da ida da semifinal da Liga de Campións de 2004.
Nesta ocasión será un partido amigable, un máis para o Dépor, e un dos últimos do verán para o conxunto luso, que arranca a competición ligueira o 9 de agosto.
A directiva do FC Porto fixou en 20 euros o prezo das entradas para os afeccionados branquiazuis, situados na Arquibancada Nascente do Estadio do Dragão. Poderanas adquirir nos propios despachos de billetes do recinto deportivo portense.
Os resultados e o calendario de pretemporada do Deportivo son os seguintes:
13 de xullo: Racing Villalbés 0 - Deportivo 2 (Óscar Pinchi e Bruno Gama)
14 de xullo: Arosa 0 - Deportivo 7 (Óscar Pinchi, Aarón, Arribas -2-, Bruno Gama -2- e Borges)
15 de xullo: Silva 0 - Deportivo 5 (Óscar Pinchi, Andone, Pedro -2- e Celso Borges)
18 de xullo: Cerceda 0 - Deportivo 1 (Bicho)
20 de xullo: Somozas 1 - Deportivo 6 (Albentosa, Luisinho, Fede Valverde, Borges, Andone e Carles Gil)
22 de xullo: Bergantiños 1 - Deportivo 6 (Bruno Gama, Andone, Borja Valle, Arribas, Emre Çolak e Bakkali)
25 de xullo: Pontevedra 0 - Deportivo 5 (Fede Cartabia, Bakkali -2-, Borja Valle e Bruno Gama)
27 de xullo: Racing de Ferrol 1 - Deportivo 4 (Emre Çolak -2-, Da Lama en propia meta e Juanfran)
30 de xullo, 20:30 horas -19:30 en Portugal-: FC Porto - Deportivo (O Dragão, Porto)
3 de agosto: Real Oviedo - Deportivo (Carlos Tartiere, Oviedo)
5 de agosto: Deportivo - West Bromwich Albion (Estadio ABANCA-RIAZOR)
12 de agosto: Tenerife - Deportivo (Los Cuartos, La Orotava)
