O Deportivo ABANCA convértese en viveiro da Selección Española Sub-19
A calidade do Deportivo ABANCA, líder do grupo 1º de Segunda División Nacional, non pasa desapercibida para os responsables da Federación Española.
Así, 3 xogadoras deportivistas foron seleccionadas para participar nuns adestramentos da Selección Española Sub-19, do luns 19 ao mércores 21 de febreiro na Cidade do Fútbol de Las Rozas (Madrid): Teresa Abelleira, Nuria Rábano e Malena Mieres.
Desta forma, o Deportivo ABANCA convértese no segundo equipo que máis xogadoras achega ao combinado nacional, igualado co FC Barcelona; e só superado polo Atlético de Madrid, con 4 seleccionadas.
Equipos como o Sevilla, Espanyol, Betis ou Athletic Club achegan menos futbolistas que o conxunto branquiazul.
Cabe lembrar que Teresa é subcampioa de Europa Sub-17 e Nuria campioa de Europa Sub-19.