Após deixar o mércores 6 de decembro en Santiago ante o Victoria FC (1-4) encarrilado o pase á final de Copa, mañá domingo 10 de decembro o Deportivo ABANCA volve á liga, concretamente na 13ª xornada en Segunda División Nacional, en Ponte dos Brozos (Arteixo) ante o CPM Friol (17:00 horas).
Os socios deportivistas teñen libre acceso ao recinto arteixán. Para o público, a entrada sénior custa 10 euros e 3 euros para os menores de 16 anos.
Manu Sánchez, técnico deportivista, citou a estas xogadoras: Anita, Malena, Raquel, Estefi, Miga, Lía, Silvia Mérida, Oreiro, Jone, Iris, Miriam, María Corral, Sara, Nuria, Kika e Gaby.
O Deportivo ABANCA lidera a clasificación do grupo 1º de Segunda División Nacional con 34 puntos, cun punto de vantaxe sobre o Oviedo Moderno, segundo con 33 puntos.
