O Fabril encara o seu primeiro amigable con todos os seus futbolistas, incluídos Dani Barcia, Iván Guerrero, Guille Bueno e o meta Brais
Óscar Gilsanz citou a todos os seus xogadores para o amigable de mañá sábado 31 de xullo ás 11:30 no campo 3 de Abegondo ante a SD Sofán, conxunto recentemente ascendido a Terceira RFEF.
O técnico fabrilista poderá contar con Dani Barcia, Iván Guerrero, Guille Bueno e Brais, que se adestran asiduamente con Borja Jiménez e mesmo os dous primeiros tiveron minutos no amigable do Deportivo do pasado mércores en Vilalba.
Serán baixa Alberto, Juan Rodríguez, Yeremay, Trilli, Noel e Mella, convocados polo primeiro equipo para o partido en Viveiro de mañá sábado ás 19:00 horas.
A Federación Galega fixou para o 12 de setembro a data de inicio da liga. O ente federativo advirte que esta previsión se pode ver afectada pola situación sanitaria derivada da pandemia de COVID-19.
Desexa a Federación Galega que cando arranque a competición estea xa avanzada a vacinación da poboación, co que poidan estar inmunizados o máximo número de deportistas posibles.
O calendario de pretemporada do Fabril, que irá collendo forma nos próximos días, é o seguinte: