O Fabril participou no campo da Ribela de Sarria no Memorial Carlos Alberto Díaz. O torneo desenvolveuse baixo o formato tres nun, con dous partidos de 45 minutos ante a SD Sarriana, de Preferente Autonómica, e o Polvorín FC, de Segunda RFEF.
Óscar Gilsanz contou coas baixas por lesión de Martín Ochoa, Mella e Hugo Ríos pero o técnico fabrilista si puido dispor de Dani Barcia, Yeremay e Jairo, liberados por Borja Jiménez no primeiro equipo para dispor de minutos de xogo no filial.
Os fabrilistas venceron á Sarriana (0-3) en primeiro lugar con tantos de Iván, Yeremay e Nájera.
Fabril: Brais Suárez, Currás, Puerto, Álex Pereira, Marcel, Barba, Brais Val, Tim, Nájera, Yeremay e Iván.
A continuación, os branquiazuis caeron pola mínima (0-1) ante o Polvorín FC de Segunda RFEF.
Fabril: Brais Suárez, Currás, Fito, Dani Barcia, Iano Simao, Rubén, Jairo, Jesús Ares, Iñaki, Diego Gómez e Tim.
Con estes resultados, o Fabril proclamouse subcampión do torneo.
A próxima cita de pretemporada para o filial deportivista será este sábado 20 de agosto ás 18:30 no campo de O Poboado ante o CD As Pontes.
Os resultados de pretemporada do Fabril até a data son os seguintes:
Fabril 2 (Padín e Iván) - Silva SD 0
Fabril 1 (Nájera) - CD Arenteiro 2
Fabril 1 (Jairo) - UD Somozas 0
Fabril 1 (Iano Simao) - Bergantiños CF 1
Tres nun:
SD Sarriana 0 - Fabril 3 (Iván, Yeremay e Nájera)
Fabril 0 - Polvorín FC 1
