Do mesmo xeito que o primeiro equipo, o Fabril botou a rodar esta mañá en Abegondo após superar o cadro onte martes as probas médicas no Centro Quirónsalud situado en ABANCA-RIAZOR. De feito, Jairo, Brais Val e Álvaro Santamaría foron reclamados para traballar con Imanol Idiakez no primeiro equipo, no campo anexo; ademais de futbolistas como Mella, Martín Ochoa ou Diego Gómez que estarán durante todo o verán en dinámica do primeiro equipo. A primeira cita amigable para o filial deportivista, que esta temporada militará en Segunda Federación após proclamarse campión de liga de Tercera RFEF a pasada campaña, será o mércores 26 de xullo ás 19:30 no campo 3 de Abegondo (sen acceso ao público) ante o Silva SD.
Cadro de futbolistas
Os futbolistas que arrancaron a temporada son os seguintes:
Porteiros: Hugo Ríos e Brais Suárez.
Defensas: Marc Lachèvre, Quique Teijo, Ángel Puerto, Alejandro Pereira, Iano Simão, Fernando Somolinos, Álvaro Santamaría, Rubén Vilela (xuvenil) e Manuel Berrocal (xuvenil).
Centrocampistas: Brais Val, Álex Barba, Rubén López, Jairo Noriega, Iñaki Leonardo, Carlos Rodríguez (xuvenil), Hugo Villaverde (xuvenil) e Álvaro Mardones (xuvenil).
Dianteiros: Tim Caroutas, Mario Nájera, Jesús Ares, Matías Castillo, Pablo Pérez Garaboa, Kevin Sánchez (xuvenil) e Álex Delgado (xuvenil).
O corpo técnico está formado por:
Óscar Gilsanz González, adestrador
David Lagar Rey, segundo adestrador
Alejandro Carballo Penas, preparador físico
David Vidal Collazo, preparador de porteiros
Emilio Pena Sánchez, fisioterapeuta
Alberto Rielo Pampín, fisioterapeuta
Francisco Javier Rego Martínez, utilero
Antonio Garda Añón, delegado
