O Colexio Fogar de Santa Margarita da Coruña acaba de ser distinguido co Premio Galicia á Excelencia Educativa, un galardón que concede a Confederación Española de Centros de Enseñanza.
Esta temporada, un total de 24 nenos de #ANOSACANTEIRA, cadetes e xuvenís, estudan e residen no Fogar de Santa Margarita. Todos eles contan cun seguimento diario a cargo de psicólogos, adestradores e auxiliares da área Educativa do RC Deportivo, que coordina Marisol Arias Barja.
O Club quere felicitar á comunidade educativa do Fogar de Santa Margarita por este merecido recoñecemento.
