O Infantil A porá este venres 16 de xuño rumbo á Cerdanyola Cup 2017, un torneo de fútbol infantil que se disputará na localidade barcelonesa de Cerdanyola do Vallés.
Na Primeira Fase, o cadro deportivista quedou encadrado no grupo F, co Cornellá, Calafell e Nàstic de Tarragona.
O calendario de partidos do Infantil A é o seguinte:
Sábado 17 de xuño 11:55: INFANTIL A - CORNELLÁ (campo de Bobila 1) 15:40: EFB CALAFELL - INFANTIL A (campo de Bobila 1) 19:10: NÀSTIC TARRAGONA - INFANTIL A (campo de Bobila 1)
Os dous primeiros clasificados e os catro mellores terceiros dos seis grupos pasan á Fase Final, que se xoga baixo o sistema de eliminatorias desde oitavos de final.
Os dous restantes terceiros dos seis grupos e o cuarto clasificado pasan a unha Fase de Prata, que se disputa baixo o sistema de eliminatoria desde cuartos de final.
Antes deste torneo, o Infantil A terá que certificar ante o Coruxo (mañá xoves en Abegondo) o seu pase á Fase Final da Copa Galicia.
Atlético de Madrid, Eibar, Sevilla e Las Palmas, primeiros rivais do Alevín A en LaLiga Promises
Atlético de Madrid, Eibar, Sevilla e Las Palmas serán os primeiros rivais do Alevín A na 26ª edición do Torneo Nacional Pamesa LaLiga Promises, competición organizada pola Fundación José Ramón de la Morena na que participan os equipos dos 20 clubs de Primeira División.
A edición deste ano xogarase na Ciudad Deportiva Pamesa Cerámica en Vilarreal.
O calendario de partidos da Primeira Fase do equipo deportivista é o seguinte:
Venres 16 de xuño 11:00: ALEVÍN A - ATLÉTICO DE MADRID 13:00: ALEVÍN A - LAS PALMAS 18:30: ALEVÍN A - SEVILLA 20:30: ALEVÍN A - EIBAR
Os catro primeiros de cada grupo pasan a oitavos de final, que se xogan o sábado 17 de xuño.