Quixo deixar claro que o Club está nunha situación "delicada economicamente pero perfectamente asumible". Así mesmo, insistiu ante os medios de comunicación, do mesmo xeito que antes na Asemblea de Accionistas, que "agora mesmo, a 30 de maio, o Deportivo non debe ningunha cantidade a entidade financeira algunha que vencese e sexa esixible a ningunha entidade de ningún tipo".
Asegurou o dirixente branquiazul que en breve, "e en canto quede constituído o grupo de Goberno Municipal, o Club tratará de chegar a acordos, como sempre estivemos dispostos" e insistiu en que a supresión do límite do un por cento aprobado esta noite era unha necesidade "porque era necesario capitalizar o Club e demostrouse que entre todos non fomos capaces de sacar adiante a ampliación de capital. Por tanto deixaremos que sexa un ou máis persoas, ou un grupo de persoas ou entidades as que a leven a cabo".
canaldeportivo.tv ofrecerache nas próximas horas as declaracións do Presidente, Augusto César Lendoiro, nada máis concluír a Asemblea Extraordinaria de Accionistas do Deportivo.
