O RC Deportivo habilita a prerreserva de entradas para o partido do domingo 12 de abril ás 16:15 horas no Estadio de El Alcoraz ante a SD Huesca, correspondente á 35ª xornada de LaLiga Hypermotion.
O conxunto aragonés puxo a disposición do RC Deportivo un total de 189 entradas, das cales o 40% serán xestionadas e vendidas pola Federación de Peñas (76), e o resto a través do Club (113).
As localidades, limitadas a 2 por abonado, teñen un prezo de 25 euros.
Para realizar a xestión, o abonado deberá acceder á web reservas.rcdeportivo.es.
A prerreserva poderase realizar desde a publicación desta nota até o sábado 4 de abril ás 21:00 horas.
No caso de que houbese máis abonados en prerreserva que entradas dispoñibles, realizarase un sorteo, cuxo resultado se comunicará aos abonados agraciados o luns 6 de abril; e notificaráselles a forma de pago e como recibir as entradas.
As localidades que non fosen retiradas o martes 7 de abril ás 18:00 horas serán asignadas aos suplentes que se designarán, así mesmo, no sorteo realizado.
O prazo límite para a retirada das entradas será o mércores 8 de abril ás 18:00.
Por conseguinte, non haberá venda física de entradas na OAD para este encontro.
Será obrigatorio presentar o abono e o DNI do abonado.
