O RC Deportivo habilita a reserva previa de entradas para o partido do domingo 13 de abril ás 18:30 en Anduva, correspondente á 35ª xornada de LaLiga Hypermotion.
O CD Mirandés puxo a disposición do RC Deportivo un total de 350 entradas, das cales o 40% serán xestionadas e vendidas pola Federación de Peñas (140), e o resto a través do Club (210).
As localidades teñen un prezo de 25 euros, e quedan limitadas a 2 localidades por abonado. Para realizar a xestión, o abonado deberá acceder á web reservas.rcdeportivo.es.
A reserva previa poderase realizar desde este venres 4 de abril até o domingo 6 de abril ás 12:00.
No caso de que houbese máis abonados en reserva previa que entradas dispoñibles, realizarase un sorteo, cuxo resultado se comunicará aos abonados agraciados o domingo 6 de abril ao longo da tarde, os cales poderán acudir a recoller as entradas á Oficina de Atención ao Deportivismo (OAD) o luns 7 e o martes 8 de marzo de 10.00 a 13:30 horas e de 16.30 a 19.00 horas.
As entradas que non fosen retiradas nas datas indicadas polos agraciados serán asignadas aos suplentes que se designarán, así mesmo, no sorteo realizado. Por conseguinte, non haberá venda física de entradas na OAD para este encontro.
Será obrigatorio presentar o abono e o DNI do abonado.
O CD Mirandés comunicou ao RC Deportivo que non permitirá o acceso a Anduva a afeccionados con obxectos especificamente prohibidos pola Lei do Deporte nin calquera pancarta ou bandeira con pau.
