Representantes de trece clubs do fútbol español reuníronse o pasado mércores 29 de novembro no estadio Cívitas Metropolitano de Madrid para intercambiar experiencias e coñecementos relativos á xestión dos museos e áreas de historia balompédicos.
Os responsables de historia e museos do Albacete Balompié, Atlético de Madrid, Athletic Club, FC Barcelona, Real Betis, RCD Espanyol, RC Deportivo de La Coruña, Real Madrid, Real Murcia, Real Oviedo, Sevilla FC, Valencia CF e Villarreal CF trataron diferentes modos de avanzar na colaboración entre clubs e poñer en valor o labor dos departamentos de patrimonio histórico e os museos dos clubs de fútbol españois.
Ademais, tamén se adheriron a esta iniciativa o RC Celta de Vigo, a Real Sociedad e o Cádiz CF, e coa esperanza de sumar máis clubs no futuro.
