O seleccionador nacional escocés fixa a súa vista no porteiro deportivista Ian Mackay
Asombrado e ilusionado. Ian Mackay non cabe en si de gozo despois de que varios xornalistas escoceses tentásense pór en contacto con el ao longo do día de hoxe a raiz dunhas palabras do Seleccionador Nacional de Escocia, Alex Mc Leish, nas que asegura que
Ian Mackay está cedido ata o final de tempada polo Deportivo á Universidade de Oviedo, da Segunda División B. Cada semana realiza os dous primeiros adestramentos da semana en Abegondo ás ordes do preparador de porteiros, José Sambade, e o resto xa co seu actual equipo.
O futbolista é coruñés de nacemento, aínda que o seu pai é de orixe escocesa, como ben indica o seu apelido. A campaña pasada foi a meta titular do Deportivo B, campión da Terceira División e a un paso do ascenso a Segunda División B. Caparrós contou con el durante boa parte da pretemporada pasada, e por exemplo xogou a final do Trofeo Teresa Herrera en Riazor ante o Milan, na que o equipo coruñés logrou a vitoria.
