Once institucións sociais gozaron da bancada solidaria de Riazor no Dépor-Villarreal da 18ª xornada de LaLiga.
Contra os castellonencos, as entidades beneficiarias foron Fundación Érguete, Terra Solidaria, Centro de Menores José Calasanz, Colectivo Moucho, Fundación ADCOR, CASCO (Comité Antisida Coruña), ASPRONAGA, IES Cotarelo Valledor, Remar, Hogar Sor Eusebia e Asociación Prodeme Monforte.
A Bancada Solidaria de Riazor dispón de 250 localidades que cada partido son destinadas a ONGs, institucións ou entidades benéficas que traballan pola integración social, educación, infancia, saúde e solidariedade na nosa comunidade. Como neste caso, atendendo á política de transparencia e RSC do Deportivo, sempre se publican as entidades que fan uso da bancada solidaria. Hai que lembrar que, para solicitala, o protocolo está dispoñible no departamento de RSC do Club en:responsabilidadsocial@rcdeportivo.es ou no 981 229 410.
