Os campións de España toman contacto coa pretemporada do primeiro equipo
Os brillantes campións de España de xuvenís van tomando contacto co primeiro equipo durante a pretemporada.
Se onte o meta Brais Suárez xa se adestraba ás ordes de Borja Jiménez, hoxe sumáronse catro dos futbolistas do Xuvenil A que dirixiu Óscar Gilsanz na histórica 'Final Four' de Marbella: Guille Bueno, Trilli, Noel e Yeremay. Os catro xa saben o que é adestrar cos profesionais entre semana e mesmo ir convocados a algún partido oficial.
Iván Guerrero, Juan Rodríguez e Hugo Ríos completaron hoxe xoves a representación de #ANOSACANTEIRA no primeiro equipo.
O obxectivo é seguir acumulando experiencia nesta pretemporada, na que están confirmadas as citas ante o Racing Villalbés (sábado 24 ás 19:00) e Viveiro (sábado 31 tamén ás 19:00 horas).
Esta mañá, despois dun quecemento cun torneo de fútbol tenis, o cadro realizou ademais rondos de presión e fútbol en espazo reducido con apoios; todo iso no campo 4.
Uche, Rolan e Fede Cartabia teñen permiso; e Celso Borges está concentrado coa súa selección na Copa de Ouro da CONCACAF. Os dous futbolistas con adestramento específico son Héctor e Pablo Brea. Pola súa banda, o meta Alberto, Valín, Josep Calavera e Juergen Elitim permanecen nos seus respectivos domicilios con traballo individualizado ata que ditaminen os Servizos Médicos.
Mañá venres 16 de xullo hai dobre quenda de adestramento: 10:30 e 19:00 horas.