Ao mediodía de hoxe, xoves 20 de xullo, pecháronse as inscricións para a última semana dos DéporCampus Cabreiroá 2017, coa que se superou a marca total de participantes nesta actividade.
A próxima semana, do 24 ao 28 de xullo, os DéporCampus Cabreiróa 2017 reunirán a 200 nenos e nenas entre o quinto e última quenda de Abegondo e os de Ordes e Monforte.
Este ano, a sede central na Cidade Deportiva de Abegondo pasou de 3 a 5 semanas de actividade (a última de xuño e todo xullo). Os DéporCampus Cabreiroá estrearon ademais 4 sedes: As Pontes, Santiago, Ordes e Zas, que sumáronse ás xa existentes en Abegondo, Viveiro, Rianxo, Bertamiráns, Ferrol, Monforte e Xenebra (Suíza).
O RC Deportivo organiza esta actividade dirixida polos técnicos do Club co obxectivo de transmitir habilidades e conceptos futbolísticos, ademais dos valores que representa o Dépor: respecto, solidariedade, amizade, xogo limpo, integración, esforzo e felicidade.
Máis aló das actividades, o equipamento deportivo (composto de camiseta, pantalón e medias), a froita e o zume diarios, o diploma final, a visita dun dos xogadores do primeiro persoal deportivista (sempre dentro das posibilidades do calendario do equipo) e un sorteo final de agasallos, son outros dos atractivos dos DéporCampus Cabreiroá, que teñen un horario de mañá de 10:00 a 14:00 horas.
O RC Deportivo quere mostrar o seu agradecemento a todos os pais dos participantes por confiar a súa formación e tempo de lecer aos técnicos do Club e monitores, e a súa comprensión ante os problemas xurdidos en anteriores quendas dos DéporCampus Cabreiroá 2017, totalmente alleos á vontade do Club.
Igualmente, o RC Deportivo fai extensivo o seu agradecemento ao patrocinador dos DéporCampus 2017, Cabreiroá, e a todos os concellos e clubs colaboradores nas diversas sedes, sen os que non sería posible dar un paso máis no crecemento desta actividade anual.
