As probas médicas realizadas a Miriam Ríos revelan que a central do Deportivo ABANCA sofre unha lesión muscular de grao 1 no aductor da súa perna dereita.
Miriam estará uns días con tratamento médico e de fisioterapia. A medida que a súa evolución o permita, iniciará a continuación a etapa de readaptación deportiva, paso previo ao seu regreso aos adestramentos co grupo.
A defensa deportivista lesionouse aos 17 minutos do partido que o Deportivo ABANCA disputou o pasado domingo en Xixón ante o Gijón FF. Foi relevada por Raquel.
