Tere Abelleira, capitá do Deportivo Abanca, xógase mañá venres 5 de maio coa Selección Española Sub-17 o pase ás semifinais do Campionato de Europa da categoría.
O combinado nacional mídese á anfitrioa, República Checa, ás 11:00 horas no Estadio Domazlice, na localidade checa de Domazlice; en choque pertencente á segunda xornada da Primeira Fase.
Tere Abelleira debutou o pasado martes 2 de maio coa Selección Española. A centrocampista branquiazul foi titular e xogou completo o partido, pero non puido evitar a derrota das españolas ante a vixente campioa, Alemaña (1-4).
O calendario de España, cos resultados, é o seguinte:
Martes 2 de maio
ESPAÑA 1 - ALEMAÑA 4
Venres 5 de maio
11:00: REPÚBLICA CHECA - ESPAÑA (no Estadio Domazlice, en Domazlice)
Luns 8 de maio
14:00: FRANCIA - ESPAÑA (no Estadio Prestice, en Prestice)
Os dous primeiros de grupo pasan a semifinais, que se xogarán o 11 de maio.
