Mosquera entra na convocatoria para o Villarreal-Deportivo
Pedro Mosquera é a gran novidade na lista de convocados do Deportivo para o partido do domingo 14 de maio en Vilarreal (20:00, Bein Sports), na penúltima xornada de LaLiga Santander. O centrocampista coruñés recibiu onte a alta médica e está a disposición de Pepe Mel, que o incluíu nunha convocatoria co tres porteiros e sen os lesionados Sidnei, Luisinho e Joselu.
O último adestramento, en Riazor a porta pechada, foi curto de duración, pero de alta intensidade, con exercicios de velocidade, rondos e fútbol en espazo reducido.
Os futbolistas convocados viaxan o mesmo domingo a Vilarreal, vía Valencia, segundo este plan de viaxe:
Domingo 14 de maio 10:00: Saída do voo do Aeroporto da Coruña con destino ao Aeroporto de Valencia 11:15: Chegada aproximada a Valencia e traslado en autocar ao hotel Vilarreal Palace de Vilarreal 20:00: Villarreal - Deportivo, no Estadio de La Cerámica Ao finalizar, traslado ao Aeroporto de Valencia
Luns 15 de maio 00:10: Saída do voo do Aeroporto de Valencia con destino Santiago 01:30: Chegada aproximada a Santiago
Tras o partido, todo o persoal está citada de novo en Abegondo o martes 16 de maio ás 10:30 h.