Os 62 nenos e nenas que gozan na Cidade Deportiva de Abegondo da quinta semana dos DéporCampus Cabreiroá 2018 terán mañá venres o seu fin de festa.
Por este motivo, do mesmo xeito que ocorreu no tres quendas anteriores, haberá actividades deportivas e de competición con inchables no campo de herba sintética.
Ademais, os participantes recibirán a visita de Pedro Mosquera, que será o encargado de entregar os diplomas a partir das 12:30 horas no campo de herba sintética da cidade deportiva.
A próxima semana, un total de 107 nenos e nenas participarán na sexta e última quenda do DéporCampus en Abegondo, que porá o punto final a un intenso verán de diversión ao longo de toda Galicia.
Os DéporCampus Cabreiroá creceron de forma exponencial. Dun campus cunha única sede e menos dun centenar de nenos e nenas en 2013 pasáronse ás actuais 15 localizacións.
Este verán estreáronse 6 sedes: Ourense, Cuntis, Dumbría, Boiro, Revilla de Camargo (Cantabria) e Plasencia (Cáceres), que se sumaron ás xa existentes en Abegondo, Viveiro, Bertamiráns, Caranza, Monforte, As Pontes, Ordes, Zas e Xenebra (Suíza).
A participación roldou este ano os 1.500 nenos e nenas, no que constitúe todo un éxito de organización.
