O Deportivo ABANCA retoma esta fin de semana a competición de liga no grupo 1º de Segunda División Nacional, da que xa é campión.
As deportivistas visitan mañá domingo 14 de abril (12:00 horas) ao SCD Atlántida de Matamá no campo vigués Penedo da Moo, con motivo da 25ª xornada, penúltima.
O obxectivo para os técnicos deportivistas é manter o ritmo e a intensidade nos dous partidos que restan para afrontar con plenitude de garantías o play off de ascenso á Liga Iberdrola.
Regresa á convocatoria Teresa Abelleira, que acaba de conseguir con España sub-19 no Mini Torneo Elite de Santiago o pasaporte á Fase Final do Campionato de Europa da categoría.
Ademais, Manu Sánchez, técnico deportivista, citou ás seguintes xogadoras: Malena, Miralles, Iris, Gaby, Peke, Cris, Nuria, Miriam, Patri Díaz, Ali Muñoz, Erika, Raquel, Yamamoto, Silvia Mérida, Alba Merino e Lía.
Quedan fóra por lesión Kika, Laura e Michelle Romero, esta cunha lesión muscular na súa bíceps femoral dereito.
