Presentación do 'Premio a unha Estrela', en Riazor

Precisamente, a Federación de Penas mantén aberto o prazo de inscrición para a dita cea. Para participar, as Penas federadas deben de ter a cota anual (30 euros) ao día de pago, mediante abono na conta da Federación: 20910058673000077832 especificando claramente o concepto. Unha vez realizado este trámite, os peñistas poden inscribirse para a cea ao prezo de 36 euros por persoa, da mesma forma, cun ingreso na anterior conta bancaria de Caixa Galicia.

Ese día 11 de maio os actos comezarán ás 20.30 cunha misa na Igrexa de Pastoriza en recordo de Carlos Huelín, Secretario da Pena Vos Raposos do Carballiño; e Antonio Pérez, Presidente da Pena Sarria; ambos recentemente falecidos. A continuación terá lugar a cea, amenizada polo Trío Albatros.