O Concello de Ames foi o escenario no que hoxe martes se presentou o Dépor Campus de Bertamiráns, que por segundo ano será realidade grazas á colaboración entre o RC Deportivo, o Bertamiráns CF e o consistorio local.
Despois da grata experiencia do pasado verán, Bertamiráns repetirá como sede dun dos once Dépor Campus, e farao, do mesmo xeito que en 2016, en dúas quendas. A primeira será do 3 ao 7 de xullo. A segunda, do 10 ao 14 do mesmo mes. O campo municipal da localidade coruñesa será a sede deste Dépor Campus. As inscricións están abertas a nenos e nenas de entre 6 e 14 anos.
Na fotografía superior, os participantes no acto de presentación. De esquerda a dereita: Sergio Penas (Secretario do Bertamiráns CF), Rafael Budiño (Presidente do Bertamirans CF), José Miñones (Alcalde do Ames), Pablo Barros (Director do Campus), Manuel Pablo e José Barcala (Responsable de Metodoloxía do RC Deportivo).
Podes atopar toda a información dos Dépor Campus en deporcampus.rcdeportivo.es/gl
