- Galería fotos Os Nosos Valores-Escolas 110 % Blanquiazuis -
Preto de 80 alumnos de 6º de Primaria do CEIP Sagrada Familia gozaron na mañá de hoxe dunha xornada de 'Os Nosos Valores-Escolas 110 % Branquiazuis', no incomparable escenario do Estadio ABANCA-RIAZOR. Ademais, os rapaces gozaron do privilexio de compartir boa parte da mañá con Laura e Peke, futbolistas do Deportivo ABANCA.
Os alumnos gozaron dunha visita guiada polas dependencias interiores de ABANCA-RIAZOR. Posteriormente, recibiron unha charla acerca da historia do Dépor a cargo do xornalista de La Opinión de A Coruña Carlos Miranda, autor do libro '110 % Branquiazul', apoiado no arquivo recompilado polo ex conselleiro Pachy Dopico e que conta coa revisión e autorización por parte do RC Deportivo.
Finalmente, todos recibiron cunha atronadora ovación a Laura e Peke, que contestaron a todas as preguntas dos pequenos e asináronlles postais dedicadas e mesmo as camisetas e bufandas branquiazuis aos alumnos que acudiron ataviados con elas. A xornada finalizou coa habitual foto de familia a pé de campo.
A experiencia branquiazul destes rapaces concluirá no partido ligueiro do Dépor en ABANCA-RIAZOR fronte ao UD Almería, correspondente á 31ª xornada de LaLiga 1|2|3, aínda sen data e hora. O Club regala unha entrada dobre a cada un deles.
