Catro partidos amigables mañá mércores 3 de xaneiro abren o ano 2024 para #ANOSACANTEIRA. Os protagonistas dos mesmos serán os dous equipos cadetes e os dous infantís.
En Meicende ás 19:00 xoga o Cadete ante o equipo local de categoría xuvenil; e no campo da Marola de Mera ás 17:00 farao o San Tirso SD Cadete ante o Marino de Mera CF tamén xuvenil. Estes partidos servirán de preparación para o choque de liga da División de Honra entre o Cadete e o San Tirso SD Cadete, previsto para o domingo 7 de xaneiro ás 11:00 en Abegondo.
Pola súa banda, os infantís non teñen competición oficial a fin de semana. A pesar diso, o Infantil recibirá mañá no campo 4 de Abegondo ao Viveiro CF cadete ás 16:30 e o San Tirso SD Infantil á mesma hora pero no campo 5 ao Viveiro CF A.
O calendario dos amigables de mañá é o seguinte:
Categoría cadete
SPORTING MEICENDE (xuvenil) - CADETE, ás 19:00 en Meicende
MARINO DE MERA CF (xuvenil) - SAN TIRSO SD CADETE, ás 17:00 no campo da Marola (Mera)
Categoría infantil
INFANTIL - VIVEIRO CF (cadete), ás 16:30 en Abegondo (campo 4)
SAN TIRSO SD INFANTIL - VIVEIRO CF A, ás 16:30 en Abegondo (campo 5)
