Quedan unicamente 800 entradas de prezo reducido para o Dépor-Barça B

Cada socio deportivista pode retirar 2 entradas como máximo (da súa localidade se houber ou, en caso contrario, doutra similar ou superior á que ocupe) de forma conxunta, para o partido ante o Barcelona B (sábado 18 de febreiro ás 18.00 horas) e ante o Alcorcón (venres 2 de marzo ás 21.00 horas). Cada entrada individual custará a cantidade de 5 euros, polo que o socio pagará pola entrada dobre (unha para o Barcelona B e outra para o Alcorcón) a suma de 10 euros se retira unha ou de 20 euros se retira dous para cada encontro. En ningún caso permitirase retirar entradas para un só dos partidos citados.

Os prezos das entradas de público para os dous próximos partidos de Liga na Coruña son:

Tribuna Superior: 45 euros. Sub-25: 20 euros
Tribuna Inferior: 40 euros. Sub-25: 20 euros
Tribuna Dianteira: 35 euros. Sub-25: 17 euros
Preferencia Superior: 30 euros. Sub-25: 15 euros
Preferencia Inferior: 20 euros. Sub-25: 10 euros
Preferencia Inferior Lateral: 20 euros. Sub-25: 10 euros
Maratón Superior: 25 euros. Sub-25: 12 euros
Maratón Inferior: 15 euros
Pavillón Superior: 20 euros. Sub-25: 10 euros
Pavillón Inferior: 12 euros. Sub-25: 8 euros

A día de hoxe, o Club totaliza 24.970 socios, dos que 8.623 son novas altas. O Club esgotou xa os asentos destinados para socios nas localidades de Maratón Inferior e de Pavillón Inferior. Por conseguinte, nestas dúas bancadas xa non se poden dar de alta a novos abonados.

O horario da Oficina de Atención ao Socio e Accionista é, mañá venres, de 10.00 a 13.30 e de 17.00 a 19.30 horas.