Esta fin de semana sobresae na xornada de ANOSACANTEIRA o partido do Fabril, líder da Segunda Federación.
Os pupilos de Manuel Pablo visitan ao UP Langreo este domingo 18 ás 17:00 horas no Estadio Nuevo Ganzábal.
Os asturianos están en zona perigosa e acaban de cambiar de adestrador: o ex deportivista Manel Menéndez relevou a Pablo Fernández Acebal.
O técnico fabrilista destaca ademais que nese campo "aperta moito a afección".
Esta semana, o filial presentou a documentación do internacional senegalés Papa Samsou Niang, que xa está dispoñible para Manuel Pablo.
Por contra, son baixa Bil e Noé, que se desprazaron co primeiro equipo a Almería.
Completa a xornada do domingo o choque do Xuvenil B ás 16:00 no Municipal de Bertamiráns e o do San Tirso SD Cadete ás 12:00 no Municipal Rodríguez Lago ante o CD Lugo na División de Honra.
Este sábado 17 xogouse o resto da xornada.
De entre todos os partidos destacou o do Xuvenil A (na foto principal da noticia), que aparcou a liga para recibir no campo Arsenio Iglesias ao AD Sporting Hortaleza de Madrid nos dezaseisavos de final da Copa del Rey.
Os branquiazuis, que gañaron 3-1, mediranse o 28 de xaneiro en oitavos ao gañador da rolda protagonizada polo Rayo Vallecano e o Arucas CF '98'.
Manuel Pablo, en rolda de prensa, manifestou que os pupilos de Miguel Figueira "deron un paso adiante. Foi un partido (ante o RC Celta) competido, moi aberto. Ao principio da segunda parte tivo o Celta un pouco de oportunidades pero o Dépor foi crecendo, gañando terreo e acabou moito mellor o partido".
O técnico fabrilista apunta que "sabemos como traballa Miguel. Temos contacto diario. Hai xogadores importantes aí pero este ano temos moito número de xogadores e eses futbolistas que están a destacar non están a poder participar connosco; pero si que os temos en conta, moitos adestran connosco".
Ademais, xogaron fóra de casa o Cadete en Vigo ante o UD Santa Mariña (0-1), o Alevín A no campo da Universidade Laboral ante a SD Acea de Ama (0-3) e o Benxamín A en Sada (0-14).
Como locais o Fabril FC Alevín venceu ao Sporting Cambre (14-1) e o Fabril FC Benxamín ao Olímpico CF (8-0).
Por outra banda, un partido disputouse este xoves 15 de xaneiro en ANOSACANTEIRA.
No Monte, o San Tirso SD Infantil recibiu ao Infantil en partido correspondente á División de Honra.
Os branquiazuis venceron (0-12) e lideran o grupo mentres que os 'verdes' transitan por unha cómoda 4ª praza.
O pasado martes 13 de xaneiro, o Fabril FC Alevín impúxose por 1-4 ao CD Calasanz en encontro correspondente á 14ª xornada na Primera Futgal A Coruña disputada a pasada fin de semana.
Finalmente, os cadetes Anxo Castro, Dani López, Raúl Lema e Yerobe; ademais de Antón Vilariño, Carlos Ernau, Hugo Ferreirós e Julen López do San Tirso SD Cadete foron convocados pola selección galega sub-16 para un partido de adestramento este mércores 14 na Madroa ante o RC Celta.
Así mesmo, os infantís Enzo Pose, Hugo Macedo, Jaime Garea, Julen Díaz e Santi León; acompañados por Martín Brandón, Martín López, Mateo Cortizas e Xiao Fontao do San Tirso SD Infantil participarán coa selección galega sub-14 noutro amigable ante o RC Celta, tamén na Madroa.
O calendario de partidos, cos resultados dos xa xogados, é o seguinte:
Segunda Federación
19ª xornada: UP LANGREO - FABRIL, o domingo 18 de xaneiro ás 17:00 no Nuevo Ganzábal
Categoría xuvenil
Copa del Rey, dezaseisavos de final: XUVENIL A 3 (Íker Gil, Lucas Castro e Miguel de Labra) - AD SPORTING HORTALEZA 1
Liga Nacional, 18ª xornada: BERTAMIRÁNS FC - XUVENIL B, o domingo 18 de xaneiro ás 16:00 no Municipal de Bertamiráns
Categoría cadete
15ª xornada: UD SANTA MARIÑA 0 - CADETE 1 (Gandarela)
15ª xornada: CD LUGO - SAN TIRSO SD CADETE, o domingo 18 de xaneiro ás 12:00 no Municipal Rodríguez Lago 1
Clasificación da División de Honra: 1. Cadete, 40 puntos; 2. RC Celta, 36 puntos; 3. CD Lugo, 26 puntos; 4. Arosa SC e ED Val Miñor Nigrán, 24 puntos; 6. San Tirso SD Cadete, Pabellón Ourense CF e Ural Español CF, 21 puntos... 11. UD Santa Mariña, 13 puntos...
Categoría infantil
División de Honra, 15ª xornada (xoves 15): SAN TIRSO SD INFANTIL 0 - INFANTIL 12 (Santi Durán -3-, Hugo Macedo, Gael Seijo, Manu Sande, Aritz Fernández -2-, Yoel Darriba -3- e David Gómez)
Categoría alevín
Primera Futgal A Coruña, 15ª xornada: SD ACEA DE AMA 0 - ALEVÍN A 3 (Leo Lorenzo, Alberto Novo e Diego Castelo)
Primeira Futgal A Coruña, 13ª xornada (martes 13): CD CALASANZ 1 - FABRIL FC ALEVÍN 4 (César Leira -2-, Joel Losada e Leo Galbán)
Primera Futgal A Coruña, 15ª xornada: FABRIL FC ALEVÍN 14 (Joel Losada -3-, Manu Parada -3-, Pablo Gómez -2-, Martín Martelo -2-, Mateo Pastorín -2-, Nico Castro e César Leira) - SPORTING CAMBRE 1
Categoría benxamín
Primera Futgal A Coruña, 15ª xornada: SADA CF 0 - BENXAMÍN A 14 (Pablo Campanero -4-, Hugo Cancela -4-, Ian Lata -2-, Hugo Rey, Mateo Ramos, Tomás Sánchez e Manu López)
Primera Futgal A Coruña, 15ª xornada: FABRIL FC BENXAMÍN 8 (Diego Freire -2-, Milan Songo'o, Anxo Fernández, Izan Mallón, Dylan Toro, Jaime Fraga e Álex Martínez) - OLÍMPICO CF 0