La Voz de Galicia
"Irureta illará ao equipo desde o xoves en Liérganes. Só quedarán César, lesionado, e Djalma, sancionado" e recolle o diario que Irureta di que quere meter aos xogadores en "o noso mundo, o noso ambiente". Tamén recolle o diario que os partidos desta xornada disputaranse o domingo ao seis da tarde.
A Voz fai cálculos con todos os resultados posibles no Sardinero e dos rivais deportivistas: "O Depor pode tocar o ceo ou o inferno en Santander".
O diario tamén recolle que o Deportivo solicitou ao Racing 2.000 entradas e que nos hoteis de Santander apenas hai prazas. A Voz tamén recolle dez formas orixinais de celebrar un gol que non son merecedoras de cartón e di "A euforia máis amarga. Djalminha escolleu unha das maneiras máis desafortunadas de celebrar o segundo gol contra o Zaragoza" e engade o rotativo "Djalma cometeu un acto imperdoable segundo Irureta".
"O Depor nega que primase ao Raio Vallecano ante o Barça. O Club coruñés, acusado de pagar 20 millóns ao madrileño" titula A Voz e analiza o diario a situación dos rivais do Deportivo.
Deporte Campión
"Ao cárcere de ouro" é a portada do diario que xa na interior fala con detalle do Balneario onde se concentrará a expedición branquiazul.
Tamén recolle as impresións de Irureta "É un pecado imperdoable. Irureta non entende a actitude de Djalminha e sopesa deixarlle fose do equipo na última xornada". O diario abriu as súas liñas aos afeccionados que falan da actitude de Djalminha. O Campión fai todo tipo de cábalas coas múltiples combinacións de resultados do próximo fin de semana.
Así mesmo fala das curmás a terceiros e dos cambios de Víctor, o xogador máis sustituído, que o interior dereito tampouco entende.
A opinión das penas e as viaxes organizadas a Santander así como as pantallas xigantes que se poderían instalar no Palacio dos Deportes son outras das novidades.
López Neto, o colexiado do domingo no Sardinero, e todo o seu historial así como que o Racing está máis preocupado polo Betis que polo Deportivo son as noticias en branquiazul da xornada.
O Ideal Galego
O diario recolle que a Fifa impuxo en 1996 a norma de amoestar aos "descamisados" e engade que o Deportivo se concentrará desde o xoves nun balneario de Santander para prepara o partido ante o Racing. "Deportivo e Barcelona enfróntanse tamén na liga das curmás" e "Mauro Silva poderá disputar o encontro do O Sardinero" son os outros titulares así como o funeral polo ex-presidente branquiazul Jesús Corzo e as declaracións de Javier Manjarín, ex-deportivista agora no Racing que asegura "a miña esposa ameaza con matarme se o Depor perde a liga por culpa nosa".
Tamén recolle o Ideal que xa están á venda as entradas para o partido co Espanyol e que o Club herculino despachará nos próximos días entradas para o Racing.
_________
Se les en internet algunha noticia relacionada co Deportivo, non dubides en enviarnos a dirección á nosa redacción: redaccion@canaldeportivo.com
__________
NOTA: A elaboración dun resumo de prensa por parte da redacción de canaldeportivo.com non implica que o Real Club Deportivo da Coruña, S.A.D. estea de acordo ou en desacordo coas noticias que nel aparecen, e non é o responsable dos contidos e opinións que se inclúan nas páxinas que o compoñen.
