La Voz de Galicia
Titula A Voz "O Depor consegue á italiana a xesta de empatar en Milán. Un penalti ao panenka de Djalminha mete aos coruñeses en cuartos". O diario lembra que o Deportivo se clasifica primeiro de grupo, que o Milán apenas creou ocasións, que os de Zacheroni empregáronse con dureza, que o Céspede estaba en moi mal estado e que o Deportivo se embolsa 600 millóns por pasar. O diario tamén fai conxecturas sobre os futuros rivais: Manchester, Leeds, Arsenal ou Lyon. O optimismo do persoal por chegar á final, a polémica no seo do Milán, os dous penaltis ao detalle e a celebración en Catro Camiños, onde achegáronse os afeccionados a festexar o pase a cuartos son as novidades da xornada.
Deporte Campión
Quen pode parar ao Depor? pregúntase o Campión, que di que o Depor certificou o seu pase aos cuartos cun partido serio ante un rival pentacampeón de Europa. Os pormenores do partido de onte, as impresións dos protagonistas, as ganas de volver a Milán do deportivismo, as fotos do encontro, os afeccionados desprazados a Milán e os posibles rivais para o sorteo do venres son as novidades da xornada.
Marca
O Depor entra na lenda da Champions. Un penalti rigoroso adiantou aos galegos e outro inexistente deulle vida ao Milán ao final. A lesión de Mauro, os posibles emparellamentos do venres, o soño de San Siro para regresar á final tanto de Lendoiro como do persoal, a posibilidade dunha nova final española, a evolución do Deportivo na competición, os posibles rivais e o apoio da afección completan as informacións do día.
AS
Varrida, di As, que titula que Depor e Valencia pasan tamén como líderes de grupo. "Avanti Depor. Djalminha cun penalti ao Panenka mete ao equipo nos cuartos e deixa a Italia sen representación en Europa". A seguridade de Djalminha ao lanzar o penalti e a celebración do martes e 13.
O País
O Deportivo empata en Milán e clasifícase para cuartos de final
Con moito sufrimento e nun partido que non será lembrado polo seu fútbol, o Deportivo saíu de San Siro vestido coas galas dun grande de Europa. O campión español parecía mentalizado para todo en Milán, menos para tentar xogar o fútbol onde non era posible: nun patatal impropio da Copa de Europa. "Uff, subíuseme a adrenalina!". Capdevila expresou desta forma tan gráfica a tensión que viviron os xogadores do Depor cando o seu compañeiro Djalminha atreveuse a lanzar o penalti ao Panenka.
Libredirecto
O adestrador do Milán, Alberto Zaccheroni, foi destituído oficialmente do seu cargo, segundo confirmou este mércores a sociedade italiana. A destitución prodúcese unhas horas despois de que o Milán fose eliminado da liga de Campións ao empatar co Deportivo da Coruña español (1-1) e de que o presidente do club, Silvio Berlusconi, anunciase que pensaba tomar medidas.
