Alberto Retuerta Cuadros (Madrid, 1 de xaneiro de 2002) rescindiu o seu contrato co RC Deportivo de mutuo acordo.
Retu aterrou na Coruña no verán de 2022 e en temporada e media disputou 5 encontros oficiais: 3 en Primera Federación e 2 en Copa do Rei. Entre medias, foi cedido ao Hércules CF, de Segunda Federación, a segunda metade da temporada 2022-23.
Desde agora, Retu poderá escoller libremente o seu próximo proxecto profesional, para o que o Deportivo, igual que a nivel persoal, deséxalle a maior das sortes, agradecéndolle tamén o seu traballo, compromiso e compañeirismo durante este ano e medio na Coruña.