Rochela, o herdeiro de Botanita, Mauro Silva e Bebeto
O central deportivista David Rochela pelexará o próximo domingo ante Nixeria polo título de Campeón do Mundo en categoría sub-17. O defensor coruñés, un dos primeiros "produtos" de Abegondo, foi t
De vencer na final ante os nixerianos, Rochela sucedería a Carlos Álvarez "Botanita", campión do mundo con España de categoría xuvenil en Alemaña, en 1954. Botanita, que faleceu o pasado 21 de xaneiro, xogaba de centrocampista.
A maiores de Rochela e Botanita, o Deportivo tivo nas súas filas a dous Campións do Mundo absolutos, que ademais lograron o título sendo xogadores do Club: Mauro Silva e Bebeto, campións en Estados Unidos 94 con Brasil.
Perico Ramallo, técnico do Deportivo B, define a Rochela con estes dous adxectivos: "Seriedade e intelixencia táctica". Fóra do campo, "é moi responsable e coherente", opina o adestrador do filial branquiazul.
Tanto David Rochela como Juan Domínguez, ambos xa debutaron co primeiro equipo, aínda que están en idade xuvenil adestraranse toda a tempada co equipo de Segunda División B.
