A lista completa de convocados está formada por Urzaiz e Etxeberría do Athletic, Molina e Valerón do Atlético de Madrid, Abelardo e Luís Enrique do FC Barcelona, Velasco do Celta, Romeu e Fran do Deportivo, Engonga do Mallorca, Munitis e Salva do Rácing, Hierro do Real Madrid, Aranzábal da Real Sociedade, Mendieta da Valencia, Víctor do Valladolid, Paco e Juanmi do Zaragoza.
Fran, na súa última visita a canaldeportivo, manifestou aos afeccionados que lle facía moitísima ilusión entrar na lista de convocados por Camacho para algún dos partidos amigables previos á Eurocopa, xa que de non ser así, non vía posible a súa participación na mesma.
A Romeu preséntaselle de novo a oportunidade de debutar coa camiseta nacional. Esta convocatoria demostra o interese que ten o seleccionador por estudar as capacidades do lateral deportivista, xa que no encontro contra Polonia non puido aliñalo.
