Sabín Bilbao: O Deportivo é un club moi serio

SABÍN BILBAO: ?TRÁTASE DUN CLUB MOI SERIO?

Sabín Bilbao conta con 29 anos, cumpridos o pasado 6 de xaneiro; mide 1.69 metros e pesa 65 quilos. Do mesmo xeito que o seu compañeiro Francés está solteiro. Iniciouse en Lezama tamén, a continuación pasou polo Leioa, Erandio, Arabés e Sestao, onde xogou durante o tres últimas tempadas.

-A fichaxe de Sabín Bilbao coñeceuse nas últimas horas, cando soubo vostede que ía vir ao Deportivo?

-Realmente esta semana, aínda que parece que os dous presidentes xa falaran sobre o tema con anterioridade.

-Cales son as súas características como futbolista?

-Xogo habitualmente de interior esquerdo, aínda que na última tempada encargábame de pechar o carril esquerdo. Creo que teño boa técnica e que posúo boas condicións físicas.

-Que lle empuxou a vir á Coruña?

-Do mesmo xeito que o meu compañeiro, valorei que este é un equipo con aspiracións de ascenso, importante na miña carreira profesional, que vou gañar algún diñeiro máis e que o Deportivo se trata dun club moi serio.

-Coñece que o afeccionado anhela o ascenso de categoría como auga de maio?

-Seino. Pero gustaríame que tivesen máis paciencia, xa que as cousas con présa case nunca saen ben.

-Coincidiu na súa chegada ao Sestao con Jon Aspiazu. Tivo oportunidade de falar con el?

-A verdade é que non, porque como dixen antes, decateime esta semana de que ía vir para aquí.