-Foto:@rfef.é
Samuel Fernández (na foto de pé o quinto futbolista empezando pola dereita) xa está concentrado coa selección española sub-19 para disputar un amigable ante Italia este mércores 14 de xaneiro ás 14:00 horas na localidade italiana de Coverciano.
O partido poderase seguir polas canles oficiais da Real Federación Española de Fútbol e servirá para preparar róldaa Elite do Campionato de Europa do mes de marzo ante Países Baixos, Finlandia e Eslovenia, na que só o primeiro clasificarase para a Fase Final.
Samu debutou coa selección española sub-19 o pasado mes de decembro con motivo da SBS International Cup.
E co Deportivo estreouse en partido oficial o pasado xoves 4 de decembro na Nova Creu Alta ante o CE Sabadell FC.
O defensor naronés adéstrase diariamente ás ordes de Antonio Hidalgo e leva 9 partidos xogados co Fabril de Segunda Federación, todos eles de titular.
A pasada fin de semana viaxou co primeiro equipo a Las Palmas aínda que ao final non chegou a saltar ao terreo de xogo.
