Os DéporCampus Cabreiroá 2021, que deron o seu pistoletazo de saída o pasado luns 28 de xuño, comezaron hoxe a semana grande deste verán.
O pasado venres 2 de xullo tiveron lugar as primeiras clausuras, nas que nenos e nenas recibiron os correspondentes diplomas de participación xunto cos sorteos dos diferentes agasallos.
En total foron 206 participantes os que asistiron aos DéporCampus Cabreiroá nesta primeira semana, en catro sedes: Abegondo (primeira das seis quendas previstas), Terras de Maside, Cee e Arteixo.
Aquí podes ver as fotos da sede de Abegondo e nesta ligazón as imaxes doutras sedes.
Desde hoxe luns 5 de xullo e até o vindeiro venres 9 estarán en funcionamento as sedes de Abegondo (segunda quenda), Caranza, Boiro, Ourense e Viveiro; en total cinco DéporCampus Cabreiroá con case 300 nenos e nenas adestrando e gozando do fútbol baixo a supervisión dos técnicos do RC Deportivo.
A repartición de asistencia desta semana é o seguinte: Abegondo (125 nenos e nenas, completo), Boiro (32), Caranza (52), Viveiro (58) e Ourense (32).
As inscricións atópanse abertas permanentemente até as 12:00 deste xoves 8 de xullo para as sedes da próxima semana, a partir do luns 12 de xullo, en Bertamiráns, Silleda, Monforte e Abegondo (terceira quenda).
Toda a información poden consultala nesta ligazón e para calquera pregunta ou dúbida acerca das actividades poden contactar directamente coa organización en deporcampus@rcdeportivo.es.
