Rubén de la Barrera disporá desta semana para recargar baterías no Dépor antes de encarar a recta final deste subgrupo A do grupo 1º de Segunda División B co partido en ABANCA-RIAZOR ante o Zamora CF, previsto para o domingo 28 de marzo ás 12:00 horas.
Xa advertira o técnico deportivista en rolda de prensa o pasado domingo no campo vigués de Barreiro que o adiamento da última xornada unha semana máis non ía ser un contratempo: "Se nos dan unha semana máis, dúas ou vinte e dúas, prepararemos con máis tempo o partido ante o Zamora".
Os futbolistas completarán desde mañá mércores un total de catro sesións de adestramento, todas elas matinais e na Cidade Deportiva de Abegondo, previas ao descanso da fin de semana.
Así pois, a planificación semanal, sempre susceptible de sufrir variación por razóns técnicas, é a seguinte:
Mércores 17 de marzo
11:00 h
Xoves 18 de marzo
11:00 h
Venres 19 de marzo
11:00 h
Sábado 20 de marzo
10:30 h
Domingo 21 de marzo
Descanso
