Sesión de recuperación no Mundo do Fútbol para o once inicial ante o Valladolid
Os futbolistas que actuaron de inicio onte ante o Real Valladolid en Valladolid tiveron unha sesión de recuperación esta mañana no Mundo do Fútbol, con rondos, fut-voley, masaxe... Para o resto do persoal, o adestramento foi m&
Todos saltaron ao céspede de Abegondo excepto Ze Castro, que se retirou na segunda metade cunha leve sobrecarga nos isquiotibiais da súa perna esquerda, pendente de evolución nos próximos días. O central tivo sesión de fisioterapia. Borja, con permiso do corpo técnico, non traballou hoxe. Pola súa banda, Morel e Xisco continúan co seu proceso de readaptación deportiva e exercitáronse ás ordes do readaptador Pablo López.
Oltra atrasou a hora de comezo do adestramento respecto da habitual debido a que o equipo chegou esta pasada madrugada por estrada desde a capital castelá. Mañá martes, festividade da Constitución, haberá xornada de descanso. O persoal está citada de novo o mércores 7 de decembro ás 10.30 no Mundo do Fútbol.
