O Real Club Deportivo continúa co seu proceso de dixitalización na área deportiva da man Soccer System Pro, dando un paso á fronte para a xestión integral nos ámbitos médico-deportivo e técnico-táctico con este acordo que ten unha duración de 5 anos. Os beneficiados de que o Dépor se xestione desde un único sistema será toda a estrutura do Club: desde os equipos da canteira até os primeiros cadros.
A tendencia desde hai uns anos a formar equipos multidisciplinares explica a importancia dunha ferramenta de xestión integral que permita traballar de maneira interdisciplinaria e, deste xeito, ampliar o campo de visión de cada parcela de traballo para sacar denominadores comúns. Así se obtén a foto global das tarefas que rodean ao xogador como, por exemplo, cargas de traballo (preparadores físicos), auditoría de lesións (médico), dietas (nutricionista), preparación dos adestramentos (técnicos), estudo do rival (scouting) ou calquera dos parámetros que o staff considere importante. Por iso é unha ferramenta de xestión integral; porque integra toda a información, todos os datos, todos os detalles e todas as decisións tomadas polo Club de maneira rápida, intuitiva e facilmente autoxestionable. O software actúa como unha hemeroteca de todos os procesos realizados cos deportistas.
Desde a súa creación Soccer System Pro penetrou con gran éxito en LaLiga, traballando xa con Alavés, Valencia, Espanyol, R. Sociedade, Betis, At. Madrid, Levante, Villareal, Girona, Nàstic, e, agora, ao RC Deportivo. O software tamén conquistou mercado máis aló das fronteiras españolas e equipos como o Newcastle e o Watford da Premier League, a Fiorentina da Serie A, o SC Braga portugués, o Molvidi húngaro, o Guangzhou Evergrande chinés e a selección nacional de Polonia deron o paso á dixitalización con este software. A demais de clubs e seleccións, Paulo Souza, Javier Calleja, Rodolfo Martín Arruabarrena e o técnico do París Saint Germain, Mauricio Pochettino, confían en Soccer System Pro.
