Ao peche da Oficina de Atención ao Deportivista onte venres 24 de agosto, o Real Club Deportivo superou o número de socios cos que concluíu, a final de temporada no mes de maio, a última campaña en Segunda División. Se á finalización da 2013-2014 fíxose balance do ano con 20.641 abonados, a día de hoxe o Real Club Deportivo conta con 20.654 socios, con toda a temporada aínda por diante e a 15 días do debut dos Nosos en casa, o vindeiro domingo 9 de setembro ás 20:45 horas fronte ao Real Sporting.
A Oficina de Atención ao Deportivista permancerá pechada até o luns na súa localización provisional de Correos (r/ alcalde Manuel Casás s/n) e reabrirá en horario de 10:00 a 13:30 e de 16:30 a 19:00 h. até o venres.
O que non pecha ningún día, a ningunha hora, é o sistema de renovación online de abonos do Dépor en abonos.rcdeportivo.es, onde é posible renovar facilmente o carné do Dépor para esta temporada 2018-2019.
